Back أليس كولترين Arabic اليس كولترين ARZ Alice Coltrane AST الیس کولترین AZB Alice Coltrane Catalan Alice Coltrane Czech Alice Coltrane German Alice Coltrane English Alice Coltrane Spanish Alice Coltrane Estonian
Alice Coltrane, ezkondu aurretik Alice McLeod (Detroit, 1937ko abuztuaren 27a – Los Angeles, 2007ko urtarrilaren 12a) konpositore, pianista, organo-jotzaile eta jazz harpa- jotzaile estatubatuarra izan zen.[1][2]
Ezaguna da, besteak beste, jazz-bandetan harpa erabili zuten musikari entzutetsuetako bat zelako, bera baino lehen, Daphne Hellman (1916-2002), Betty Glamann (1923-1990), Dorothy Ashby (1932-1986), Corky Jale (1936) eta, geroago, Deborah Henson-Conant.[3]
Piano klasikoko ikasketetan trebatua zen, zazpi urte zituenetik. Laster sartu zen Detroiteko jazz-esparruan, eta Yusef Lateef eta Lucky Thompson saxofoi-jotzaileekin edo Kenny Burell gitarristarekin jo zuen. Parisen egon ondoren, New Yorken jarri zen bizitzen eta Terry Gibbsen laukotean sartu zen. John Coltrane ezagutu zuenean bere taldearekin jo zuen.[1]
John Coltranerekin ezkondu zen, eta musikaria hil zenetik bere ondarearen zaintzailea izan zen.[1][2]
Coltrane hil ondoren, bere bizitza espiritualtasunera eta meditaziora bideratu zuen, Indiara bidaiatu eta hinduismoan hasi zen, 'Turiya Sangitananda' izena hartu zuen. Kaliforniara itzuli ondoren, gogoeta-musikan aritu zen.[4][1]
John Coltraneren lana inspirazio-iturri garrantzitsua izan zen harentzat, baina Alicek bere musika-estilo propioa garatu zuen bere instrumentu nagusiekin, pianoarekin, organoarekin eta harparekin, baita bibrafonoarekin eta Indiako instrumentu batzuekin ere, besteak beste tanburarekin.
- ↑ a b c d García Martínez, J. M.. (2007-01-15). «Alice Coltrane, introductora del arpa en el mundo del jazz» El País ISSN 1134-6582..
- ↑ a b Coll, Vicente. (2017-03-26). Alice Coltrane (mujeres del jazz IV). .
- ↑ Día de luto jazzístico por las muertes de Alice Coltrane.... La Vanguardia 15 gener 2007.
- ↑ Coll, Vicente. (2017-03-26). Alice Coltrane (mujeres del jazz IV). Jazz TK.